Yetiyôpya-ou-Afäriqara

JAÑ AMHARA: OJAMBOA ALIAS " LALIBELA ":

NKUIANE BON BE AFRI QARA B'AKUI OJAMBO'A.

(Kalate Dulu Bôn be Afri Kara kapita 7, évus 10-12)

Nkante: Anga bo na, be za'a éyañeyañ mam me ngô'é, a teme na nlô jop ô nga dimesane be beta nkôle yat. Ane bese be nga kutane na, nne hi azu ke aya valé? Jôp d'adimesane aya vana, abime mbia vôme di, jé é bo? Jé ji? Ye beta ôsôé ate nyôlé, ye momo?

Nde Fañ Afri a nga jô na, bongô be ne aveves mebo be jika'a ke yen jôm éte nge a ne fo'o beta ôsôé ate nge momo. Ane be nga ke ndañendañ.

Eééééye! Ane aya ôsu wôé?

Bongô na, Bikuiya beta Ajape si, bi lôô bilé bi ayené yat ne yetetetete, ve ane jôm be nga yetan. Ve da ñhe môt a se ngule ya lôte vôme nyô. Bi fombôya mfa'a ya mbo nga, ve beta yee aval ônon ô ne yene njuk ya tulan ja'ana w'ayele ane kôs, a si wôé a ne ve nkute nkut dibi.Mbo nnôm fe avale da.

Ane nsamba ô nga mane suan. Huuuii! Ndemben bongô bana b'ate yôn. Nde nne jôm jina é ne anana! Bi aye löte ve? Nde asu'u di!

Be ngenan b'ake b'akobô nalé, e teme na, Nkôé Afri ve tebe tetele, a nga jem ne fiafiafia. (Nnôm mône abôk mi wô'ô yen Bekôé b'ajem, nnye fe Nkôé Afri a nga jem môs ôte).Nnye be na, jam me nga jô mia nde di na, mamiene me ne mie zene, mia mi ne ve bôte ya nsamba wom. Farn Afri j'aye liti mia zen ane beésa be nga ya'ane nye na a ye bo. ye me kate mia vôm zen é né?

Ane bese be nga kutane akutane da na, katek!

Nde a nga jô be na nne zen é ne ajape si mu!

Eyoñ Nkôé Afri a maneya jô be na nne zen é ne ajape si, ane be nga nyoñ ékpwaé bives bi nyia wop be nga zu b'akale a yé'é je tin ajap si. Ane Fañ Afri a nga jô be na, A nto bi azu lôñ bibeme va tañ minlam misaman. Nté Nkôé Afri a bôndé bia fek ane bi aye tulane ajap dina. Nde be nga bo nalé.

Ane Nkôé a nga zu kat nye na, me lô na, bi ayiane bô' ajape di, nde bi aye tulane yat mvo'é.

Ane Fañ Afri a nga sulane bobenyañ bese a jô be na, be tame su'i mimbe'e miap a ye jeñ jôm éziñ été, émien étam a yem jôm a jeñ.

Nde be nga bo nalé. A nga mane su'i mimbe'e misese'e, akekui a nga yen mon ébak. A nga jô be na, Nyôñan ñbwa'a nyô, bi bômôlô je nkel, j'aye volô mia na, mi ji'a bo jam Nkôé a te jôô de. Be nga bo nalé.

Eyoñ Nkôé a yeneya ñbwak, a nga nyoñ je a mevak a ke vòm ajap é mbe é tele a tate bô'ô de étam.

Ane Fañ Afri a nga jô be na, Bi ne meyoñ zañbwa, bia bese bi ayiane bo ésaé ji a mone ñbwak bi ate yen é bôô mona Ntum Afri ékpwaé été nyô, nde bi aye ji'a tulane de.

Be nga taté ésaé jap a ngule minlem aval ane bi ayen bôt b'abôm nku, nge mbaé, nge ngôm, akekui be nga tulan ajap ne fum.

Benga beta tu'a nene aveñ éte a kui abime môt ane jame nyin a be'e mbe'e.

Eyoñ be maneya ésaé éte, be nga jô Nkôé Afri na, a nto w'azu lôt a mvoñ bôte jôé ése, ò ke w'ajeñe bia zen ôsu, bia ke bi ali'i bi alôñe nlam vôme nyô.

A nga ke ane be nga li'i b'abo ane be nga jô. Nde be nga lône male mesaman, nda bôt ése nlame wua, ve mimbias mmie nga fulane jale da: Mevu ba Nden Afri.

Kapita 8: